Tuesday, December 16, 2014

शाहरुख होणार पाक अभिनेत्रीचा हिरो



srk-mahira
Pakistani actress Mahira with Shahrukh khan


रोमान्सचा बादशहा अशी ओळख असलेला शाहरुख खान आपल्या आगामी चित्रपटात थेट पाकिस्तानी अभिनेत्रीसोबत रोमान्स करताना दिसणार आहे. पाक अभिनेत्री माहिरा खान हिचं नाव शाहरुखची प्रमुख भूमिका असलेल्या 'रईस' या चित्रपटाची मुख्य नायिका म्हणून पक्कं झालं आहे. 

शाहरुखच्या 'रईस'ची गेल्या काही दिवसांपासून जोरदार चर्चा सुरू आहे. २०१५ मधील एक तगडा सिनेमा म्हणून त्याकडे पाहिले जात आहे. त्यामुळेच त्याचं स्टार सिलेक्शनही तेवढ्यात बारकाईने केलं जात आहे. 'रईस'साठी आधी सोनम कपूर आणि कृती सनोन यांच्या नावांची चर्चा होती. मात्र, आता या दोघींचीही नावे मागे पडलीत आणि पाकिस्तानी अभिनेत्री माहिरा हिने एंट्री घेतलीय. पाकिस्तानातील फ्रेश चेहरा असलेल्या माहीराला ही संधी देण्याचे निश्चित झाले आहे. माहिरासाठी ज्याप्रकारे ही बॉलिवुडमधील पदार्पणाची भूमिका ठरणार आहे तशीच शाहरुखच्या समोरही प्रथमच लीड रोलमध्ये एक पाक अभिनेत्री असणार आहे. 

माहिरा ही 'व्हीजे' आहे. पाकिस्तानात ती एक टॉक शोही करते. अलिकडेच भारतात छोट्या पडद्यावर ती झळकली. 'हमसफर' या मालिकेत ती भूमिका करत असून या मालिकेला चांगलाच टीआरपी मिळत आहे. शाहरुखसोबत काम करण्याची संधी मिळून तिला मोठी मोठी लॉटरीच लागल्याचे बोलले जात आहे. या चित्रपटाचं चित्रीकरण लवकरच सुरू होत आहे.
 

No comments:

Post a Comment